KALIBO, Aklan—Padayon nga ginabueong makaron sa Aklan provincial hospital ro sangka 82 anyos nga senior citizen matapos nga masunggaban it motorsiklo sa national highway nga sakop it Brgy. Mantiguib, Makato.
Ginkilaea ni PSSgt. Nederden Patani it Makato PNP ro biktima nga si Wenefredo Custudio ag residente it nasambit nga lugar.
Samtang, ro driver/suspek hay ginkilaeang si Isidro Flores, 31-anyos ag residente it Brgy. El Progreso, Buruanga.
Ginasugid nga nagatabok sa karsada ro magueang kat nagapaabot man ro motorsiklo.
Apang, imbes nga magdiretso hay nagbalik raa sa anang ginhalinan rason nga nasunggaban it behikulo nga gintunaan it anang pag-angkon it kasakitan ag lastro sa kaeawasan.
Rro insidente hay padayon pang ginaimbestigahan it Makato PNP para sa nagakaigong disposisyon.
