KALIBO, Aklan—Ginpasiguro it suspek nga si Dante Baroquillo nga haum imaw nga atubangon ro igapasaka nga kaso kontra kana it pamilya Retiro sa pag-eabu kara kay Antonio Retiro sa guwa it anang baeay sa Barangay Mataphao sa banwa it New Washigton.
Suno kana nga samtang naga-uli halin sa trabaho sa barangay Linabuan hay gin-ayat imaw it inaway it biktima.
Bangud nga pareho sanda nga naka-inom, nag-init sigon ro anang ueo ag nag-uli sa andang baeay ag nagbo-oe it sanduko ag gin-gubat ro biktimsa andang baeay.
Matapos nga mabuhi-an ro tubo, nakakita sigon imaw it kahigayunan nga maeabu ro biktima.
Depensa pa it suspek nga kon mahiong ro biktima hay pirme imaw nga ginawalaan, apang ginabalewala nana.
Samtang, hugut nana nga ginpamalibaran ro ginapasibangud kana nga gin-eabu nana ro baka ni rene retiro, ro igmanghud it biktima.
Ro insidente hay padayun pa nga gina-imbestigahan it kapulisan.
