BALITANG Espesyal —- Gin-anunsyo it Idaho Potato Commission (IPC) nga ginaselebrar nanda ro Valentine’s Day makaron nga 2022 pinaagi sa pagbaligya it limited edition perfume nga ro hugum hay French fries!.
Ro IPC hay grupo it potato growers and farmers sa Idaho state.
Gintukod raya katong 1937 agud nga i-promote sa bilog nga United States ro patatas nga halin sa Idaho.
Ro nasambit nga pahumot hay ginatawag nanda nga “Frites by Idaho”.
Himo raya sa distilled Idaho potatoes ag essential oils agud nga maghugum it bag-ong pritong French fries.
Suno sa IPC, naisip nanda nga obrahin ro nasambit nga perfume bangud nga sa tan-aw nanda, ro hugum it bag-ong pritong French fries hay makagaeanyak ag mabudlay nga balibaran .
Raya hay nagabalor eamang it $1.89 dollars ro sangka 1.7 fl oz (fluid ounces) bottle it Frites by Idaho.
Ginhungod it IPC nga panabaan ro presyo it sangka bote kara agud nga maging kasing barato it sang order it large French fries.
Sa makaron, sold out eon ro Frites by Idaho ag ro sangka pamaagi eon lang agud nga makaangkon kara hay magpasakop sa pa-raffle it official instagram account it IPC.
