SPORTS News —- Magabaton it cash incentives ro Philippine Women’s Football Team halin sa Philippine Sports Commission matapos makwalipika sa 2023 FIFA Women’s World Cup.
Raya hay matapos aprubahan it PSC ro naga-abot sa P1.25 million, kun sa siin, ro kada player hay magabaton it P50,000 bilang pagkilaea sa andang kamayad matapos nga mag-abot sa semifinals it 2022 AFC Women’s Asian Cup.
Ginpabugae ag ginkalipay man ni PSC Chair Butch Ramirez ro naging kadaeg-an it nasyon sa bulig it mga atletang nagtambong sa unang physical flag-raising ceremony it ahensiya nga ginpatigayon sa Rizal Memorial Sports Complex.
Madumduman nga ginpierde it Pilipinas ro pambato it Chinese Taipei sa quarterfinals it AFC Women’s Asian Cup rason nga umabante ro nasyon sa 2023 FIFA Women’s World Cup.
