-- ADVERTISEMENT --
KALIBO, Aklan—Nagpatigayun it prayer vigil ro pamilya it mga naduea nga sabungero sa guwa it taeatapan it Commission on Human Rights (CHR) sa Quezon City, kahapon.
Nagsindi sanda it kandila, nag-rosaryo, nagpaathag it baeatyagon ag nagpangamuyo nga makita eon ag makauli ro mga nasambit nga indibdiwal.
Tunga man ro reaksyon it pamilya it mga missing person sa pagdaeagan it imbestigasyon it mga otoridad.
Nagpabulig man sanda kay Pangueong Rodrigo Duterte para mausoy ro andang mga mahae sa kabuhi.
Sa makaron, padayun ro imbestigasyon it Philippine National Police-Criminal Investigation and Detection Group (PNP-CIDG) sa pagkaduea it 26 nga sabungero halin sa Bulacan, Laguna, Rizal ag Quezon Provinces.
-- ADVERTISEMENT --
