KALIBO, Aklan—Dead on arrival sa Ibajay District Hospital ro driver it sangka motorsiklo matapos nga sumunggab sa ceres bus sa national highway nga sakop it Brgy. Naisud, Ibajay.
Base sa inisyal nga imbestigasyon it pulisya, halin sa banwa it Nabas ro biktimang si Mython Cretencio Lachica, 50-anyos kaibahan ro anang backrider nga si Benjamin Braulio Suero, 20-anyos ag parehong residente it Brgy. Mambog, Banga.
Samtang, ro ceres bus hay paadto sa Caticlan kon siin pag-abot sa pakurbada nga karsada hay nasunggaban gid ro motorsiklo nga gintunaan it pagkaaksidente it daywa.
Nakaangkon it fatal nga lastro sa eawas si Lachica nga gintunaan it anang hinali nga kamatayon.
Ro insidente hay padayun pang gina-imbestigahan it Ibajay Municipal Police Station para sa nagakaigong disposisyon.
