KALIBO, Aklan—Magiging makaeu-euoy eamang ro Pilipinas kung mailihir bilang Presidente si dating Senador ag Presidential hopeful Bongbong Marcos Jr.
Raya ro ginpahayag ni Retired Comelec Commissioner Atty. Rowena Guanzon.
Suno kay Atty Guanzon mabahoe ro posibilidad nga uman nga madueaan it foreign investment ro nasyon engkasong isaeang ka Marcos euman ro magapungko sa matag-as nga posisyon it gobyerno.
Dugang pa kara nga posibleng magdeklara man it Martial Law si Marcos Jr. kung maging Presidente.
Samtang bukon man sigon it angay ag bagay nga maging Presidente si Marcos Jr. Bangud raya hay ginkilaea ni Pangueong Duterte bilang sangka cocaine addict.
Mag-euwas kara , ap-at nga dag-on eun sigon raya nga owa nakabayad it tax ag owa man nakapagtapos sa kolehiyo.
Madumduman nga sambilog ni Atty. Guanzon sa mga nagboto agud nga ma-diqualify si Marcos Jr. Sa anang kandidatura bilang Presidente sa paeaabuton nga May 2022 national and local elections.
