PNP naghinyu sa mga retired Police officials nga indi pagdaeahigon ro organisasyon sa andang political agenda

Nagpanawagan ro pamunuan it Philippine National Police (PNP) sa pilang mga retirado nanda nga opisyal nga indi pagdaeahigon ro organisasyon sa andang political agenda.

Ro nasambit nga panawagan hay ginhimo ni PNP Spokesperson PBGen. Roderick Augustus Alba matapos nga makaabot sa andang igtueopangod nga may pilang mga dating pulis opisyal ag organisasyon nga naga-endorso it mga kandidato sa eleksyon gamit ro pangaean it PNP.

Gintaw-an it punto ni Alba nga ginarespito it PNP ro mga panan-awan it andang mga retiradong opisyal apang owa sigon it kaangtanan ro organisasyon sa personal nga opinyon sa politika it mga tawo ukon grupo ngara nga gina-post sa social media.