KALIBO, Aklan—Sigidas ro ginapatigayun nga “Oplan Bakal” it Aklan Police Provincial Office (APPO) sa mga bar ukon ilimnan sa bilog nga probinsya it Aklan.
Raya hay para masiguro ro kaayusan ag katawhayan sa komunidad matapos nga ipaidaeom sa Alert level 1 status ukon new normal ro probinsya hasta sa katapusan it Marso.
Suno kay Police Major Willian Aguirre it APPO nga tuyo kara nga malikawan ro anumang krimen gamit ro nagkaeain-eain nga klase it deadly weapon.
Kaparte man sigon raya it andang pagpadumdom sa mga pumueoyo nga maging responsable ag likawan anay ro pagdaea it mga siyaw, hinangiban ag armas kun nagaguwa it panimaeay.
Ro sin-o man nga madakpan nga mag-eabag kara hay posibleng magpangatubang sa RA 10591 in relation to Comelec Gun Ban.
Ginklaro pa ni Police Major Aguirre nga plain view eamang ro andang ginapatigayun sa mga kagamitan ukon bag it kada indibdiwal nga una sa natungdan nga establisyemento.
