KALIBO, Aklan—Ro sakit sa bato ukon kidney hay makabig nga silent killer.
Bangud kara hay importante nga haeungan natun ro atung kidney agud nga malikawan ro pagkaangkon it nagkaeain eain nga impeksyon.
Suno kay Dr. Marymil T. Billones Dignadice , Fellow, Philippines Society of Nephrology nga importante ro mga kidney sa atong ikaayong eawas bangud ginapaguwa kara ro toxin ukon hilo sa atong kaeawasan.
Mag-euwas kara hay ginaayos man it atung kidney ro presyon it dugo pamaagi sa pagregulate it kung mauno kaabo ro dugo ag lebel it asin sa kaeawasan.
Apisar man nga kita hay gin-unga nga may daywang bato, sambilog eamang ro kinahangean agud nga mahimo kara ro anang obligasyon.
Ro pilang ka mga sintomas it mga sakit sa kidney hay ro paghaeok it itsura, owa it gana nga magkaon, mataas nga presyon ukon altapresyon, pagpang-eupsi ukon pagpanghina, ag bukon it normal nga kulay it ihi.
Ro pilang ka mga dapat nga himuon agud nga mapabilin nga maayos ro atung kidney hay ro mga masunod; himuon nga regular ro pag-ehersisyo, magkaon it tama ag balanseng pagkaon, likawan ro mga masyadong mamantika nga pagkaon, likawan ro pagpanigarilyo, indi basta-basta mag-inom it bueong nga nababakae nga owa it reseta it doktor ag mag-inom it maabong tubi.
Skinahangean man nga magpa-kidney check-up kada dag-on agud masayuran ro status it inyong kidney mas kapin kung may unang miyembro it pamilya nga nauna eun nga nakaangkon it nasambitan nga masakit.
