Naga-abot sa kabilugan nga 119,175 ukon 92.18% nga Persons Deprived of Liberty (PDLs) nga nakakulong sa mga selda nga ginadumaeahan it Bureau of Jail Management and Penology (BJMP) ro fully vaccinated eon kontra sa COVID-19.
Suno kay BJMP Spokesperson Jail Superintended Xavier Solda, ro mga nagahueat pa it andang second dose hay kapin sa 6.54% samtang 6,215 ukon 4.81% ro owa pa nabakunahan.
Ginpahayag ni Solda nga ro mga owa pa nabakunahan nga mga inmates hay iaga-eakip eon sa upcoming vaccination it Department of Health (DOH).
Padayun man ro pakikipag-angot it BJMP sa mga local government units para i-eakip ro mga PDL sa andang vaccine allocation.
Dugang pa ni Solda sa pihak nga manaba ro Covid-19 cases sa mga PDLs, strikto pa gihapon nga ginapatuman it BJMP ro minimum public health standard sa andang mga jail facilities sa bilog nga nasyon.
