KALIBO, Aklan—Kapin sa 15 ka ektaryang bukid ro naabo kasunod sa nag-eontad nga grass fire sa Barangay Unidos, Nabas.
Suno sa Bureau of Fire Protection ukon BFP- Nabas, pangaywang adlaw eon nga nagakasunog ro parte it bukid kat anda nga nadiskubrehan.
Angot kara, insigidang nagpatigayon it fire fighting operation ro andang tropa kabulig ro BFP Malay kon siin nalisdan pa ro mga raya antes nga makaabot sa lugar bangud sa mga malinghot nga aeagyan.
Matapos ro pilang oras nga pakikipagsukoe sa kaeayo hay anda man raya nga naapula apang makit-an ro grabeng halit nga gin-ayawanan it kaeayo.
Uwa sigon it mga panimaeay sa lugar rason nga uwa eagi nataeopangdan ro nasambit nga sunog.
Sa makaron hay ginaimbestigahan eon it BFP ro naging kabangdanan it nasambit nga insidente.
