Kalibo Aklan ———–Ginkumpirma ni Civil Aviation Authority of the Philippines (CAAP)-Aklanmanager Engr. Eusebio Monserate Jr. nga nakabatun sanda it proposal maghalin sa sangka Korean Airline Company nga gustong magbalik sa andang operasyon paadto sa Kalibo International Airport.
Suno kay Engr. Monserate, posibleng magabalik eun ro operasyon it nasambitan nga airline company sa petsa 2 it Abril, apang raya hay subject for confirmation pa bangud sa pilang ka mga ginakonsidera nga protocol.
Samtang, may una man sigon nga iba pang ka mga international airline companies nga nagahanang magbalik sa andang operasyon sa masunod nga daywang buean.
Nasayuran nga kat owa pa nag-eupok ro pandemya sa nasyon hay naga-average it 30 flights per day ro nasambitan nga paeuparan nga kaabuan kara hay maghalin sa mga nasyong Korea, China, Taiwan ag Singapore.
Samtang, makarun nga ginpaidaeum eun sa Alert level 1 ro probinsya it Aklan hay nakalista sigon sanda it ap-at ka mga domestic flights kada adlaw.
Makarun nga dominggo hay nakataeana man sigon nga magdugang it andang flights ro pilang ka mga airline companies.
