BALITANG Espesyal — Nakibot ro pilang doktor sa Tunisia kat matukiban nanda nga ro babaying pasyente nga nagpabueong kanda nga may urinary tract infection (UTI) hay may baeasagon nga baso nga nakabara sa anang pantog .
Ro 45-anyos nga babaye hay natukiban nga ap-at nga dag-on eo nga may nakabarang baso sa anang pantog ukon urinary bladder matapos gamiton raya bilang sex toy.
Suno sa babaye, kat owa eon nana nabo-oe ro baso sa anang kinatawo, owa eagi imaw nagpangayo it bulig sa mga doktor bangud sa huya .
Bangud kara, nagbuhay it ap-at nga dag-on ro baso sa sueod it anang pantog nga ko ulihi hay napalibutan eon it bladder stone!
Sa sueod it ap-at nga dag-on, naka-experiensiya imaw it pauman-uman nga UTI ag kat raya hay nag-grabe hay dikara pa eang imaw nagpa-check-up sa mga doktor it Habib Bourguiba University Hospital sa siyudad it Sfax.
Insigida imaw nga nagpaidaeum sa surgery matapos makita sa x-ray nga may mabahoe imaw nga bato ukon bladder stone.
Kat mabo-oe ro bladder stone nga may bahoe nga 8cm by 7cm by 8cm, nakibot ro mga doktor nga may sueod nga baeasagon nga baso raya sa sueod .
Ko ulihi hay nag aku ro babaye kon ham-an nga nakaangkon it baso sa pantog.
Matapos ro daywang adlaw, madasig nga naka-rekober ro babaye ag na-discharge eagi imaw sa ospital.
