KALIBO, Aklan–Nakibuylog ro Aklan Police Provincial Office (APPO) sa ginpatigayun nga Earth Hour makaron nga gabi-i.
Suno kay PSSgt. Jane Vega, tagapaghambae it APPO nga perming may partisipasyon ro taeatapan sa dag-unan nga Earth Hour.
Raya hay sa pamaagi it pag-off it mga computer, television sets, air conditioning units, ag non-essential lights halin 8:30 hasta 9:30 it gabi-i.
Tuyo kara nga maipakita ro pag-ulikid ag pagbuylog sa global campaign kontra sa climate change.
Apang, ginklaro man ni Vega nga bukon it tanan nga estasyon it pulisya hay nakibuylog sa event bangud sa pilang ka mga rason kung siin kaibahan eon kara ro pagpatuman it peace and order.
Nasayuran nga sambilog ro Philippine National Police (PNP) sa mga ahensya it gobyerno nga masako sa pagpatuman it hugut nga seguridad eabi pa ag nagahilapit eon ro 2022 national and local elections.
