KALIBO, Aklan–Nag-angkon it an-om ka mga lastro sa nagkaeain-eain nga parte it eawas ro sangka binatilyo matapos nga ginbuno it anang kasimaryo sa sueod mismo it pabahay sa Brgy. Jugas, New Washington.
Ro biktima hay naga-edad it 17-anyos samtang suspek hay 19-anyos ag parehong residente it nasambit nga lugar.
Base sa report, samtang nagapauli ro biktima halin sa anang barkada hay nasumaeang kara ro suspek sa daean.
Ginasugid nga una sa idaeom it impluwensya it aeak ro biktima kung siin nakaangkon sanda it mainitan nga diskusyon it suspek.
Gin-ayat sigon kara it baeaywan ro suspek apang imbes nga inumok hay siyaw ro ginamit kara sa pag-atake sa biktima.
Sa makaron hay padayun pang ginabueong sa Aklan Provincial Hospital ro biktima matapos nga makaangkon it an-om nga tama it pagpamuno samtang ro suspek hay insigida man nga naaresto.
