KALIBO, Aklan–Nagpatigayun it sangka military drill ro Russia sa Northern territories it Japan.
Ro nasambit nga lugar hay gina-kontrol it Russia apang gina-aku man it Japan.
Suno kay Bombo International Correspondent Josel Palma, ro nasambit nga military drill hay ginpatigayon pilang adlaw matapos nga gin-pundo it Moscow ro peace talks sa Japan bangud sa ginpasaka kara nga sanction kasunod it pag-atake sa Ukraine.
Base sigon sa ginpahayag it Eastern Military District it Russia, ro drill hay ginapatigayon sa Kuril Islands nga may masobra 3,000 ka mga personnel ag ginatos nga mga army equipment.
Ginpahayag pa ni Palma nga ro Moscow hay naggamit it state of the art nga drone para sa strategic features ag preliminary survey activities bilang pagpahaum sa paglunsar it anti-tank missiles.
Ro Russia ag Japan hay may una eon nga masobra sang dekada nga away ag owa pa it may napirmahan nga peace treaty bangud sa nagapadayon nga territorial dispute.
Padayun man nga gina-aku it Russia nga kaparte pa it andang teritoryo ro Kuril Island nga ginatawag it Japan nga anda man nga Northern Territories.
