Ginkumpirma it Philippine National Police (PNP) nga andang pagagamiton ro bag-ong PNP Logistics Data Information and Management System (PNP LDIMS) makaron nga tyempo it eleksyon.
Suno kay PNP Deputy Chief for Administration (TDCA) PLt. Gen. Rhodel Sermonia, ro bag-ong sistema hay ginaeauman nga makabulig sa madasig nga deployment it personnel ag assets eabi eon sa mga lugar nga ginakabig nga hot spots.
Pag-eksplikar ni PNP Director for Logistics, PBGen. Ronaldo Olay, ro PNP-LDIMS hay sangka one-stop-shop nga nagatao it real-time information sa “status” it tanan nga tawuhan ag kagamitan it PNP.
Raya hay magamit man sa pagtumod it “accountability” it kada tawuhan it PNP ag posibleng mabue-an it clearance it mga maga-retirong PNP personnel.
Ro PNP-LDIMS hay pormal nga gintaw-an it sertipikisayon bilang information system it PNP kahapon Sa Camp Crame.
