KALIBO, Aklan—Nagpaabot it reklamo sa taeatapan it alkalde it lokal nga gobyerno it Kalibo ro pila ka mga vendors sa public market matapos nga ginpahalin sigon ro mga raya sa andang dati nga pwesto.
Suno sa pila ka mga vendors, uwa sanda it maayos nga pwesto makaron ag perwisyo pa sigon kanda engkaso nga mag-inuean.
Raya hay matapos nga maabo sigon ro nagareklamo kanda sa sueod nga nagaharang ro mga raya sa ibang baligya maskin nga hasta malang it alas-6:00 it agahon ro andang pagbaligya.
Nagakangawa sigon sanda nga sa sangkiri nga andang ginakita hay ginahikaw pa kanda raya it mga kaparehong vendors.
Maskin papag nga butangan it andang mga baligya ag nagabayad man ro mga raya it ticket nga gina-isyu kanda it LGU.
Angot kara, nakataeana sanda nga makipag-istorya kay Kalibo Mayor Emerson Lachica bandang alas-11:00 it agahon agud nga mataw-an it aksyon ro andang problema.
