Crime arte sa bilog nga nasyon, sangkiri nga nagtaas matapos nga haeugaan ro ginapatuman nga COVID-19 restrictions

Nagtaas it masobra 5% ro lebel it krimen sa bilog nga nasyon ukon katumbas it 1,584 nga krimen nga nailista it Philippine National Police (PNP).

Raya hay base sa datus it PNP Command Center umpisa Pebrero 22 hasta Marso 22 kadungan it paghaeuga it quarantine restriction sa nasyon.

Nagaguwa sa datus halin sa Directorate for Investigation and Detective Management and Crime Research Analysis Center nga nakalista ro PNP it 29,798 nga krimen ko buean it Marso nga mas mataas kumpara sa 28,214 nga mga krimeng nailista ko Pebrero.

Una eon nga ginpahayag ni Interior and Local Government Sec. Eduardo Año nga nag-abu ro mga nailistang kaso it pagpanakaw sa bilog nga nasyon bangud sa paghaeuga sa hueag it publiko.