KALIBO, Aklan–Haum eon ro bilog nga pwersa ro Police Regional Office (PRO)-6 nga magtao it seguridad sa nagahilapit nga Semana Santa.
Suno kay Police Lieutenant Colonel Arnel Solis, tagapaghambae it PRO-6, pagatutukan nanda ro public safety ag law enforcement operations para masiguro ro kaeuwasan it publiko.
May mandato man sigon sanda nga siguraduhon ro police visibility sa mga lugar nag tradisyunal nga ginadagsa it mga tawo.
Partikular ro mga istasyon it bus, paeuparan, pantalan ag iba pang transport hubs.
Nauna eon nga ginmandu ni PNP Chief Gen. Dionardo Carlos ro pagbutang it mga Police Assistance Centers (PAC) para umalalay sa mga pumueoyo.
Kadungan it pag-alalay sa mga biyahero, pagasiguraduhon man it PNP nga masunod gihapon ro minimum public health standards depende sa lebel it alerto it mga lugar nga paga-adtunan it mga pumueoyo makaron nga Holy Week.
