KALIBO, Aklan–May posibilidad nga maklaruhan eon ro misteryo sa likod it nakit-an nga daywang ka bungo it tawo nga nakasueod sa magkaseparadong balde sa kilid it suba sa Brgy. Pagsanghan, Banga ko adlaw it Huwebes.
Raya hay matapos nga sangka owa ginpangaeanan nga residente ro nagdangop sa Banga Municipal Police Station.
Suno kay PSSgt Elmar Relente nga ginsaysay it nasambit nga residente nga ko buean it enero it makaron nga dag-on hay sangka kaeapitbaeay nana ro anang nakasub-eang nga may bitbit nga balde nga kapareho ro itsura sa nakit-an sa suba nga ginsudlan it mga bungo it tawo.
Sa makaron hay ginakasa eon nanda ro imbestigasyon sa nasambit nga persona nga posibleng may kahimuan maskin nga hugut raya nga nagapamalibad sa alegasyon.
Mag-eowas kara,makikipag-angot man sigon sanda sa sepulturero it sementeryo para masayuran kon ro nasambit nga mga bungo hay ginbo-oe sa nasambit nga lugar.
Posible suno kana nga owa it krimen nga natabu ag ginbitbit eamang ro mga bungo halin sa sementeryo.
