BALITANG Espesyal —- Nagpaguwa it apology ro sangka nightclub sa Washington DC matapos mag-viral ro video it rapper nga si Markelle Morrow sa social media.
Makita sa video ro embalsamadong bangkay it rapper nga nakadispley sa stage it Bliss nightclub samtang nagakantahan ag nagasaea-ot ro mga tawo.
Si Morrow hay sangka up and coming rapper sa US nga kilaea sa stage name nga Goonew.
Napatay si Morrow ko nagtaliwan nga buean sa Prince George County sa sangka robbery incident.
Nasayuran nga ro nag-viral nga video hay farewell event ag funeral service para kay Morrow nga may titulo nga “The Final Show” ag may ticket nga $40 dollars para maka-attend kara.
Nakabaton it pagbatikos ag bashing ro Bliss nightclub sa netizens bangud sa kawad-an it pag-respeto it management sa patay.
Bangud kara, nagpaguwa it statement ro Bliss nga nagapangayo sanda it pasaylo sa mga na-offend ag ginklaru nanda nga maskin nasayuran nanda nga raya hay funeral service para kay Morrow, owa sanda it nasayuran nga iga-display ro bangkay kara sa club.
Nagpaguwa man it pahayag ro ina it rapper nga si Patrice Morrow nga may pahanugot nana ro mga hitabu sa Bliss nightclub.
Bangud nga nasayuran nana nga raya man ro gustong pamaagi it pagpanaw it anang unga .
Sa makaron, gina-imbestigahan pa ro shooting incident nga ginkamatay ni Morrow ag nag-offer it $25,000 dollars nga padya ro Prince George County Police Department sa makaturo sa mga suspect.
