KALIBO, Aklan–Ro COPD ukon chronic obstructive pulmonary disease hay ginakabig nga ika-ap-at nga rason it pagkamatay sa bilog nga kalibutan.
Suno kay Dr. Glenford Refre, internist-pulmonologist nga ro COPD hay ro kondisyon kun sa siin ro hangin sa baga it sangka indibidwal hay barado.
Mabahoe ro posibilidad nga malisdan sa pang adlaw-adlaw nga aktibidad ro nagabatyag kara.
Ro chronic bronchitis ag emphysema ro daywang kilaea nga klase it COPD.
Kaabuan sa mga tawo nga nakakaangkon it COPD hay bangud sa pagpanigarilyo.
Raya hay bangud ginasamad it sigarilyo ro mga baga.
Sa pagtaliwan it mga dinag-on hay nagiging COPD eun raya.
Agud nga malikawan ro COPD dapat nga likawan ukon punduhon eun ro pagpanigarilyo.
Maglikaw sa air pollution, magpartisipar sa mga pulmonary rehabilitation program, ag mag-inom it tama nga bueong ukon magpakonsulta anay sa doktor.
