BALITANG Espesyal —- Ginkumpirma it Guinness World Records nga ro chihuahua sa Florida, U.S.A. nga si TobyKeith ro “Pinakamagueang nga ayam sa kalibutan” sa edad nga 21.
Suno sa naga-alaga kay TobyKeith nga si Gisela Shore, gin-ampon nana ro ayam sa sangka animal shelter kat tiyo pa eamang raya.
Volunteer ko 2001 si Shore sa Peggy Adams Animal Rescue ag gintanyagan imaw it mga staff kara ang ampunon ro chihuahua nga dating alaga it sangka senior citizen.
Owa nagduha-duha si Shore nga ampunon ro chihuahua ag ginpangaeanan nana raya nga si TobyKeith.
Ro mga chihuahua hay may lifespan nga 12 to 18 years old rason nga kat nag-abot it dag-on 2022 si TobyKeith, nakaangkon it espekulasyon si Shore nga ro anang alaga hay pwedeng ro pinakamagueang nga chihuahua sa bilog nga kalibutan .
Nag-apply it Guinness World Record si Shore para sa anang alaga.
Pinaagi sa DNA testing, nakumpirma it Guinness nga ro edad ni TobyKeith hay 21 anyos ag 66 diyas.
