Owa sigon it kamatuoran ro alegasyon ni presidential aspirant Leody de Guzman nga imaw ro target it pagpamaril sa sangka plantasyon sa Quezon, Bukidnon kahapon.
Raya hay base sa report it chief of police it Quezon Municipal Police Station.
Suno kay PNP spokesperson Col. Jean Fajardo, ro natabo nga pagpamaril hay mga warning shot halin sa mga security guard it sangka pribadong plantasyon nga ginhana nga sudlon it grupo it mga katutubo.
Dikara eon suno kana nakaangkon it komosyon kung siin nag-angkon it minor injuires ro pila sa mga katutubo.
Sa pihak nga parte, ginpahayag it Philippine National Police (PNP) nga premature pa para hambaeon nga election-related ro natabo nga pagpamaril sa grupo ni presidential candidate Leody de Guzman.
Una kara, ginpahayag it Bukidnon PNP nga owa it proper coordination sa mga otoridad ro grupo ni De Guzman nga magabisita raya sa lugar nga may standing court case.
Gina-imbestigahan eon man it Commission on Elections (Comelec) ro nasambit nga insidente.
