KALIBO, Aklan–Nagapabilin nga mataas ro presyuhan it kada kilo it baboy ag manok sa mga merkado publiko sa bilog nga probinsya it Aklan.
Raya hay matapos nga makaangkon it kakueangan sa supply it karne kasunod it African Swine Fever (ASF) ag bird flu outbreak sa pilang lugar sa nasyon.
Suno kay Martin Kapistrano, negosyante it manok ag baboy sa banwa it Kalibo nga kaeabanan sa andang suplay hay maghalin sa kaeapit nga mga banwa kung siin kapin sa P170 eon ro presyo it kada kilo it live weight.
Haeos owa eon sigon it mabakae nga buhi nga baboy sa Kalibo bangud sa mataas nga demand ag sangkiri nga suplay.
Sa makaron, ro presyo it liempo hay P260 samtang P250 man ro pigi ukon unod it baboy.
Ro karne it manok hay P170 kada kilo samtang ro atay hay P180 ag ro tik-eon hay P140.
