KALIBO, Aklan–All set eun ro Aklan Police Provincial Office ukon APPO agud nga masiguro ro seguridad it nagahilapit eun lang nga May 9 national and local elections.
Suno kay Plt. Col Norlan Perante, Chief Operation it APPO nga haom eun ro andang mga personalidad nga magabantay sa kada voting centers sa mismong adlaw it eleksiyon.
Samtang, sa Mayo 4 hay nakataeana man sigon nga maga-abot ro kapin sa 114 ka mga katapo it kapulisan maghalin sa regional office agud nga mag-augment sa probinsya.
Samtang, may una man sigon nga mga katapo it kapulisan nga nakataeanang magbantay sa mga kagamitan nga pagagamiton sa eleksiyon kapareho it VCM ag official ballots.
Sa pihak nga parte, nagapadayun man sigon ro ginahimo nga COMELEC checkpoints agud nga masiguro ro kaeuwasan it publiko sa paeag it anuman nga klase it krimen.
