BALITANG Espesyal —- Sangka owa ginpangaeanan nga lola halin sa South Carolina ro nagdaog it kapin sa $300,000 dollars pinaagi sa paghampang it lottery gamit ro edad it anang mga apo.
Nasayuran nga ro lola hay nagbakae it Palmetto Cash 5 ticket halin sa Circle K store ag gingamit ro mga numero nga 2, 4, 13, 16 ag 21 ag gindugang ro power-up option.
Ginsaysay it lola sa mga opisyal it lottery nga “on and off” nana nga ginagamit ro edad it anang mga apo makaron nga dag-on .
Nasayuran sigon nana nga nagdaog ro anang ticket apang owa kara nasayuran kon pila .
Gin-scan it lola ro anang ticket sa baraka ag gintamyaw imaw it “Claim at Lottery” matapos nga 500 dollars eamang sarang nga mabayaran it Circle K.
Nakibot ag na-excite sigon imaw matapos nga masayuran ro anang pagdaog.
Plano it lola nga itago ro anang nadag-an .
Sambilog sa 1,405,438 ro pwedeng makadaog it $300,000 dollars sa paghampang it Palmetto Cash 5 ticket.
Kan-o eamang, sangka owa nakilaea nga babaye halin sa South Carolina ro nagdaog it $375,000 dollars halin sa scratch-off lottery ticket matapos nga nagpundo eamang sa sangka convenience store agud nga magbakae it dolse ag gulping naisipan nga magbakae it lottery ticket.
