KALIBO, Aklan—Pagatutukan makaron ni Aklan second district sangguniang panlalawigan member Jay Tejada ro mga programa ag proyekto nga anang gin-umpisahan nga iduso sa uman nga pagkailihir kana sa ikatlong termino sa pagka-board member.
Suno kana, gusto nana nga pasanyugon ro livelihood ag economic enterprise sa probinsya.
Nagkriar man raya it mga policy support pag-abot sa edukasyon kon siin nagakadapat sigon nga mataw-an it igtaeopangod ro pag-eskwela it mga pamatan-on pinaagi man sa mga scholarship nga ginatanyag it provincial government.
Pagatutukan man nana ro agri-tourism eco system development it Aklan kamana man ro public health and social services partikular para sa mga senior citizen ag vulnerable nga indibidwal.
Kinahang-ean nga mabatyagan nanda nga may gobyerno maskin sa kasuluksulukan it probinsya hay kinahang-ean nga maabot raya it serbisyo.
Si Tejada hay nagpanguna sa pagka-board member sa ikaywang distrito it Aklan nga nakalista it kabilugang boto nga 97,017.
