HEALTH News — Maabu ro nakakaexperiensiya it nosebleeding ukon pagdugo it ilong nga kaeabanan nga nagakatabu kada maeamig ro paniempo.
Ro pila sa mga pirmeng rason it nosebleed hay trauma sa ilong kapareho it pagbayo sa itsura, pagkulikot sa ilong ukon kon sobrang eamig.
Agud nga masolusyunan, hayra ro first aid kon nakakaexperiensiya it nosebleeding.
Magpungko it maayos ag i-abante ro eawas.
Pisliton ro ilong. Magginhawa sa imong bibig. Pisliton it lima hasta napueong minuto.
Ro pagpislit hay nagatau it pressure sa nasal septum nga nakakapapundo it pagdugo.
Agud nga malikawan ro pagdugo eon man it ilong, indi kulikugon ro ilong ag indi magbahaon ukon magsipnga gamit ro ilong .
Likawan ro pagpanigarilyo bangud nga nagaresulta raya it pagmaea ag iritasyon it ilong.
Ipabilin nga mas mataas ro ueo kaysa tagipusuon ag indi anay mag-eubog .
Engkaso nga magdugo eon man ro ilong, magsipnga sa imong ilong agud nga mabo-oe ro kun anuman may una nga nabilog nga dugo ag magpatak it decongestant nasal spray nga may oxymetazoline.
Pisliton ro ilong ag kon indi pa magpundo hay magpatan-aw eon sa doktor.
