NATIONAL News —- Siyam nga party-list groups ro nakabo-oe it pwesto sa Kamara base sa partial ag official tally it Commission on Elections (COMELEC) nga nagasirbing National Board of Canvassers (NBOC).
Kaibahan sa mga party-list group nga nakasueod sa manabang kapueungan it kongreso hay ro mga nakabo-oe it indi magnaba sa 2% it mga botong kinahangean para sa proklamasyon hay ro ACT-CIS; Ako Bicol; 1-Rider Party-List; 4Ps; Ang Probinsyano; Sagip; Cibac; Ako Bisaya ag Probinsyano Ako.
Base sa laye, dapat makabo-oe it indi magnaba sa 2% it kabilugan nga mga boto ro sangka party-list group agud nga makaangkon it maskin sangka pwesto sa Kamara.
Ro mga maga-eampas it 2% threshold hay mataw-an it dugang nga puwesto nga katumbas it kabilugan nga boto apang indi pwedeng mag-eampas sa tatlo kada magadaog nga party-list group.
