-- ADVERTISEMENT --
NATIONAL News — Nagpositibo sa paralytic shellfish poison ukon red tide ro an-um nga lugar sa nasyon.
Suno sa Bureau of Fisheries and Aquatic Resources (BFAR), kaibahan sa mga raya hay ro coastal waters it Bolinao, Pangasinan; Dauis ag Tagbilaran City, Bohol; Dumanquillas Bay sa Zamboanga del Sur; Milagros, Masbate; Litalit Bay, San Benito, Surigao del Norte ag Lianga Bay sa Surigao del Sur.
Ginasugid nga bukon it eowas nga kaunon it tawo ro anumang klase it shellfish ag mga maisot nga hipon ukon dayok nga mabo-oe sa mga nasambit nga lugar.
Apang ginklaru it ahensya nga nagapabilin nga eowas ro pilang lamang dagat kapareho it isda, pusit, hipon ag alimango basta nga husagan it mayad ag boe-on ro mga kasudlan.
