KALIBO, Aklan–Uman nga gin-insister it sangka registered nurse sa bahin it Sydney, Australia ro importansya it pagpaturok it bakuna eabi eon ro booster shot para masuk-ean ro mas mabagsik nga BA.2.12.1 variant it Omicron.
Suno kay Bombo International Correspondent Denmark Suede nga tatlong beses nga mas mataas ro tyansa nga mamatay ro sangka indibidwal nga owa nabakunahan kumpara sa mga nakabaton it booster shot.
Ro BA.2.12.1 hay sangka sublineage it BA.2 nga makaron hay nakasueod eon sa 23 ka mga nasyon.
Base sa datus, 42 porsyento it bag-ong kaso it COVID-19 sa Amerika hay ginabilog it nasambit nga variant.
Agud nga malikawan ro uman nga pagtaas it mga kaso, kinahang-ean sigon nga pabaskugon it gobyerno partikular ro Department of Health (DOH) ro pagpakalhit it nagakaigo nga impormasyon angot sa manami nga epekto it bakuna para mas ma-engganyo ro mga pumueoyo.
