KALIBO, Aklan—Naga-abot eon sa 74.59% it target population sa banwa it Kalibo ro nakakumpleto eon it bakuna kontra sa COVID-19.
Ginpahayag ni Marshelle Mary Grace Manalo, Nurse II it RHU Kalibo nga target it LGU-Kalibo nga mabakunahan ro nabilin nga haeos 25% sa dere-deretso nanda nga vaccination.
Base sa datos it Municipal Health Office, kabilugan nga 63,907 nga katawo ro nabakunahan sa Kalibo nga ginaeakipan it una ag ikaywang dose kamana man ro nakabaton it booster shot.
Sigidas sigon ro andang maeapnagon nga vaccination and information drive agud nga maka engganyo it iba pang magpabakuna ag malikawan ro pagtaas it mga kaso it makataeapon nga sakit.
Sa kada barangay suno kana hay naga-schedule sanda it pagturok it booster doses.
Sa pihak nga parte, sa tatlong nailistang bag-ong kaso it covid 19 sa banwa it Kalibo, sambilog eon lang ro naka-confine sa Aklan provincial hospital, apang hin-aga nga adlaw it Biyernes hay nakataeana eon nga magatapos ro anang quarantine period.
