Pila ka mga nagapangunang baeak-eon, nagtaas ro presyo

KALIBO, Aklan—Uwa nagpaulihi ro pila ka mga prime and basic commodities sa pagtaas it presyo makaron nga buean it Mayo.

Suno kay Ma. Carmen Ituralde, provincial director it Department of Trade and Industry ukon DTI-Aklan, sa 218 nga shelf keeping units, 82 kara ro basic necessities nga nagtaas it kapin sa 2-10 percent kumpara sa nagtaliwan nga suggested retail prices ukon SRP nga ulihing nagguwa ko buean it Enero.

Kaeakip sa nasambit nga produkto ro mga de-lata, noodles, kape, gatas, tinapay ag iba pa.

Samtang, 136 shelf keeping units ro nagpabilin sa dating presyuhanay.

Sambilog sa mga ginatan-aw nga rason it pagtaas it mga baeak-eon hay ro production cost it mga kumpanya.