Posibleng dueo-eungan eon sigon nga iga-proklama it Commission on Elections (Comelec) sa masunod nga dominggo ro mga nagdaog nga party-list groups.
Suno kay Comelec Spokesperson John Rex Laudiangco, kung natapos eon ro special elections sa Lanao del Sur ag kung indi eon makaapekto sa hueoyapan ro mga certificate of canvass halin sa Shanghai, China hay puwede eon sanda nga magproklama.
Suno kana, kung owa it magiging aberya sa special elections hay puwede eon nga iproklama ro mga nagdaog nga partly-list sa Mayo 25.
Uman nga ginpaathag ni Laudiangco nga ro kapin sa 685,643 nga boto sa Lanao del Sur ag ro 1,991 votes sa Shanghai hay mabahoe pa gihapon ro epekto sa ranking ukon pagpasunod it mga party-list groups.
Samtang, bangud nga hasta sa masunod nga dominggo eon lang ro kontrata it Comelec nga nagatindog nga National Board of Canvassers (NBOC) sa Forum Tent sa Philippine International Convention Center (PICC) hay gina-istoryahan eon sigon nanda kung igasaylo ro mga raya it venue para sa proklamasyon.
Kinahang-ean sigon it mabahoe nga espasyo sa proklamasyon para masunod ro minimum health standards.
