KALIBO, Aklan–Makaangkon it bag-ong Schools Division Superintendent ro Department of Education ukon DepEd-Aklan sa pagtawo ni Dr. Feliciano Buenafe, Jr.
Pormal imaw nga magapungko sa pwesto sa Hunyo 6, 2022.
Pagabuslan nana si Dr. Miguel Mac Aposin nga iga-reassign sa probinsiya it Capiz.
Si Dr. Buenafe hay naghalin sa Roxas City, Capiz
Dati raya nga nagturo sa Iloilo Central Elementary School sa siyudad it Iloilo antes nga naging principal hasta nga na-promote bilang education program supervisor it regional office it DepEd.
Ko ulihi hay nakaangkon sigon imaw it kahigayunan nga maging OIC assistant schools division superintendent sa division it Antique hasta nga maging full-pledge assistant schools division superintendent sa division it Passi City.
Sa nasambit nga siyudad man imaw naging OIC schools division superintendent antes nga ginsaylo sa schools division it himamaylan, Negros Occidental hasta nga maka-agto sa schools division it Roxas City kun sa siin dikara imaw naging full pledge nga schools division superintendent.
Ginpromisa kara nga pagapadayunon ro mga naumpisahan nga programa ni Doc Mac.
