KALIBO, Aklan–Padayun nga naka-isolate ag gina-monitor ro mga naging close contact it daywang residente nga nakitaan it mga sintomas it monkeypox virus sa Australia.
Suno kay Bombo International Correspondent Denmark Suede it Sydney, Australia nga sambilog sa daywang kaso hay sangka eaeaking naga-edad it 40 anyos ag taga-New South Wales
Samtang ro sambilog man hay sangka eaeaki nga naga-edad it 30 anyos ag taga-Victoria.
Parehong naghalin sa Europa partikular sa UK ro daywang kaso it monkeypox.
Ginpaathag ni suede nga ro monkeypox hay nag-ugat sa central ag western Africa.
Nauna sigon raya nga nadiskubre sa tawo ko 1970 sa Democratic Republic of Congo.
Mahimo raya nga maipasa pinaagi sa air droplets, close body contact ag paggamit it mga kontaminadong bagay.
May anggid sigon raya sa smallpox, kun sa siin ro mga sintomas hay eagnat, sakit it ueo, pagpaeanakit it eawas, gaoy ukon nagapang-euya ro muscle ag paghaeok it lymph node kamana man ro pag angkon it rashes.
Mag-eowas sa Australia, may nailista man nga kaso it monkeypox sa Italy, Sweden, Spain, Portugal, US ag UK
Samtang, kumpara sa COVID 19, mas mahinay nga magkalhit ro monkey pox, apang kapareho it suea-eob, ro pinalian hay maitom.
