Ginpasidunggan it Sangguniang Panlalawigan it Aklan ro sangka aklanon nga nakasueod sa top 10 it Dental Licensure Examination nga ginpatigayon it Professional Regulation Commission ukon PRC ko buean it Enero hasta it Marso 2022.
Ginbaton ni Dr. Mary Diane Garcia, 24-anyos it banwa it Kalibo ro resolution of commendation nga ginsponsored ni Aklan first district board member Atty. Harry Sucgang ag co-sponsored ni Aklan second district board member Nelson Sta. Maria bilang pagrekognisa sa anang kadaeag-an matapos nga nakasueod sa top 7 it nasambit nga eksaminasyon.
Suno kay Dr. Garcia, eubus ro anang kalipay sa pagkarekognisa kana bangud nga ro anang kadaeag-an hay haead nana sa anang pamilya ag maging sa mga pumueoyong Aklanon.
Hasta sa makaron sigon hay inde imaw makapati nga nakasueod imaw sa Top 10 bangud nga ro anang handom eamang hay makapasar.
Sa makaron si Dr. Garcia hay nagapractice eon sa anang profession iya sa banwa it Kalibo
