KALIBO, Aklan—Maabu ro nadismaya nga mga manugtaya sa California, USA matapos nga mapierde sanda sa pustaan kasunod it owa ginaeauman nga game 1 victory it Boston Celtics kontra sa Golden State Warriors sa 2022 NBA finals sa Chase Center.
Suno kay Bombo International Correspondent Greg Aguilar nga kaeabanan sa mga bettors hay nagpusta sa Warriors bangud sa pagpati nga pagadominahon nanda ro best-of-seven series dugang pa ro andang home court advantage.
Sa Game 1, haeos 80 percent it mga manugtaya sa nagkaeain-eain nga NBA betting site partikular sa Las Vegas odds ro nagpabor sa Golden State rason nga haeos indi makapati sa naging resulta it hampang.
Ro pusta sa Warriors nga $160 hay magadaog it $100 samtang sa Celtics, ro pusta nga $100 hay magadaog it $130 para sa underdogs.
Gindugang pa ni Aguilar nga gumana ro 3-point shooting it Celtics.
Nagabag-o bag-o man sigon ro pustaan bangud nga bukon eamang it kada hampang ro ginabantayan kundi kon sin-o ro mgadaog sa serye.
a pihak nga parte, masadya sigon ro mga bars makaron sa Boston.
Madumduman nga ginpierde it Boston Celtics ro Golden State Warriors sa score nga 120-108.
Nagpangibabaw ro Celtics pinaagi sa 40 to 16 nga puntos sa 4th quarter.
