KALIBO, Aklan–Kapareho it iba pang mga sektor, naga-aray eon man ro mga tag-an it kaean-an tuga it sunod-sunod nga pagtaas it petrolyo.
Suno kay Nelia Mamay, tag-ana it karinderya sa banwa it Kalibo nga batyag eon nanda ro pagtaas sa presyo it mga baeak-eon ag petrolyo.
Haeos kada dominggo suno kana hay nakakaangkon it paghueag sa presyo it mga tinuean-on ag iba pang sangkap nga ginagamit sa pag-eaha it andang ginabaligya nga suea kaeakip eon ro pagtaas sa kada kilo it ginagamit nanda nga LPG.
Nagakalisod eon man sigon sanda kung paano ma-survive ro andang negosyo.
Agud nga indi malugi, nagpatuman sigon sanda it sangkiri nga pagtaas sa kada serving it andang suea.
Kinahang-ean sigon nanda nga magpatong it sangkiri nga kantidad para makabawi sa andang capital ag pang sweldo sa mga tawuhan.
Nagpangayo man imaw it pag-intindi ag konsiderasyon sa mga bumaeakae bangud tanan kita hay apektado.
