KALIBO, Aklan–Ginaeauman nga magiging makahawat-hawat ro hampang sa tunga it Boston Celtics ag Golden State Warriors hin-aga nga adlaw it Lunes sa andang pagsambuwa para sa Game 2 it NBA Finals.
Suno sa sports analyst ag Banga Sangguniang Bayan member Jocel Rata nga ginaeauman nga magiging mas mainit ro hampang bangud mabahoe ro posibilidad nga magbaeos ro Warriors sa andang naangkon nga kapas-eawan sa Game 1.
Matueopangdan nga ginpasamit it Celtics ro unang kapiyerdihan it Warrios sa mismong balwarte nanda sa Chase center.
Sa pihak sigon it ginatawag nga homecourt advantage, indi gihapon dapat nga maging kampante ro Warriors bangud kinahang-ean nanda nga panamion pa ro andang diskarte agud nga makabawi.
Nasayuran nga nagpakita it mabaskog nga depensa ag opensa ro Celtics rason nga nabuoe nanda ro kadaeag-an sa Game 1.
