KALIBO, Aklan–Ro prostate cancer hay sangka klase it kanser nga kaeabanan nga na-eksperyensyahan it mga kaeaeakin-an.
Ro kondisyon ngara hay indi mapunggan nga pag-abu it mga abnormal nga mga selula sa sueod it prostate gland, ro parte it eawas nga nagakriar it likido para sa semen.
Indi pa masigurado it mga siyentipiko kung ano ro rason it natungdan nga klase it kanser apang natumod eon ro mga posibleng epekto it pag-angkon kara.
Kaibahan sa mga raya hay ro genetics, katambok, edad ag lokasyon.
Suno kay Dr. Edmund Fernandez, ro pila sa mga sintomas it pag-angkon kara hay ro kabudlay sa pag-ihi, pag-angkon it dugo sa semen ag paghina it daeagan it ihi.
Masami nga nakakaangkon it prostate cancer hay ro mga kaeaeakin-an nga naga-edad 50 pataas.
Base sa pagtuon, ro mga kaeaeakin-an nga maabu ro naging partner sa pakikipaghieawas ro masami nga nakakaangkon it sakit.
Sambilog sigon sa rason it prostate cancer hay ro history it sexual transmitted disease ag pagkaon it karne nga masyadong mataas ro fat kamana man ro sobrang exposure sa cadmium.
Samtang, posible raya nga mabueong sa pamagi it operasyon nga pagasundan it radiation therapy.
Apang, kung grabe eon ro kanser, mas agresibo ro pamaagi sa pagbueong kara.
Kaibahan eon kara ro pagpaidaeom it pasyente pasyente sa chemotherapy.
