KALIBO, Aklan—Naging madinaeag-on ro pagdihon it Statement of Contribution and Expenditures ukon SOCE it mga kandidato nga nagpailihir ko nagtaliwan nga May 9, 2022 national and local election sa Commission on Election ukon Comelec.
Suno kay Atty. Reiner Leyson, provincial election supervisor it Comelec Aklan nga daywa eamang sa unang distrito it probinsya ro uwa nakadihon it andang SOCE.
Raya hay sanday Ricardo Agravante ag Blacito Carillo nga nagpailihir sa pagka sangguniang panlalawigan sa unang distrito it Aklan.
Ginpaathag ni Atty. Leyson nga magapangatubang ro mga raya sa nagakaigo nga penalty kon siin ro first offense hay kapin sa P10,000, second offense hay P20,000 ag sa pangatlong kahigayunan it eleksyon nga inde ro mga raya makasumite it andang SOCE hay may penalidad nga perpetual disqualification to hold a public office ukon diskwalipikado eon sanda nga magpadaeagan pa sa eleksyon.
Importante suno kay Atty. Leyson ro pagdihon it SOCE bangud nga dikara makit-an ag masayuran ro mga gingastos it kandidato sa nagtaliwan nga eleksyon.
Makaron nga natapos eon ro election period hay uwa eon sigon it prohibited acts ro komisyon.
