Ginmando eon sa makaron it Office of the Ombudsman ro dismissal it 45 personnel it Bureau of Immigration (BI) bangud sa mga kasong administratibong ginapangatubang it mga raya nga may kaangtanan sa pastillas scam para iligal nga makasueod ro mga Chinese national iya sa Pilipinas.
Sa 143-page consolidated decision, ginpahayag it Ombudsman nga “administratively liable” ro mga BI officilas bangud sa grave misconduct prejudicial to the best interest of the service.
Base pa sa desisyon it Ombudsman,ro tanan sigon nga owa eon sa serbisyo antes ipaguwa ro nasambit nga desisyon hay magapangatubang ma sa parehong penelidad ukon katumbas it isaeang dag-on nga sahod
Mataeopangdan nga nauna eon karang nagpaguwa ro Ombudsman it graft charges kontra sa 42 BI personnel bangud sa pageakot it mga raya sa pastillas scam.
Nagaguwa sa mga nagtaliwan nga mga report nga nakipagsabwatan si dating Deputy Commission Marc Mariñas it Port Operations Division sa ibang mga immigration personnel para mapatigayon ro nasambit nga modus.
Samtang, ga-abot man sa kapin P10,000 ro ginapangayo nga cash sa kada pasahero para makasueod sa nasyon ag naagbuesa ro mga raya it kapin sa P1.43 million nga pag-eabag sa Anti-Graft and Corrupt Practices Act.
Sa pihak nga parte, ro mga cash nga nakolekta hay ginaputos sa sobre nga medyo pastillas rason nga ginatawag raya nga pastillas scheme.
