Kumpiyansa si President-elect Ferdinand “Bongbong” Marcos Jr. nga maging manami ro igatao nga serbisyo ni Vice President Sara Duterte-Carpio sa mga Pinoy.
Raya ro naging reaksiyon it magasueod nga pangueo it nasyon kasunod it inagurasyon ni Duterte-Carpio sa Davao City kahapon, adlaw it Dominggo.
Suno kay Marcos, ginapabugae man sigon nana ro anang running mate ku nagtaliwan nga Mayo 9 elections ag nagapati imaw nga maging mayad raya bilang pangaywang pinakamataas nga lider it nasyon.
Mataeopangda nga nagtambong si Marcos sa inauguration ceremony sa Davao City kaibahan ro anang asawa nga si Attorney Liza Araneta-Marcos, onga nga si incoming Congressman Sandro Marcos ag incoming Executive Secretary Attorney Vic Rodriguez.
Madumduman nga nagdaog pamaagi sa landslide ro mag-tandem sa katatapos eamang nga eleksyon ku Mayo 9.
Sa pihak nga parte, kasunod kara ro insigidas nga pagpili ni Marcos kay VP elect Duterte-Carpio nga maging lider it Department of Education (DepEd) sa idaeom it anang administrasyon.
