Makabig nga kapareho sa kaso it mistaken identity ro brutal nga pagbaril-patay sa Filipino lawyer nga si John Albert Laylo sa Philadelphia suno sa Philippine Consulate sa New York.
Ginpahayag ni Consul General Elmer Cato, nagaguwa nga saea nga saekyan ro ginbaril it suspek nga kapareho sigon sa saeakyan nga ginaeagas kara.
Madumduman nga ku nagtaliwan nga Lunes, gindeklarang patay ro Filipino lawyer matapos nga sunod-sunod nga barilon it owa pa nakilaea nga gunman ro Uber vehicle nga ginasakyan it biktima ag ro ina kara sa kahabaan it Spruce Street ku nagtaliwan nga Dominggo, Hunyo 19.
Sandig sa inisyal nga imbestigasyon it mga awtoridad, naka-angkon it tama it bala it baril sa ueo ro Filipino lawyer rason it hinali nga kamatayon samtang naka-angkon man it nina ro anang ina.
Samtang, ginsiguro man it Konsulada ro bulig para sa repatriation it patay nga eawas ni Laylo.
Sa pihak nga parte, padayon man ro kooperasyon sa mga awtoridad it Philadelphia asta sa maresolba ro kaso.
