KALIBO, Aklan—Magapatigayon it election ro Municipal Person with Disability Affairs Office Kalibo bangud nga natapos eon ro pagpanerbisyo it presenteng mga officers.
Suno kay Mauro Samson, social welfare assistant it MPDAO nga kada tatlong dag-on hay may election nga ginapatigayon bangud nga kinahang-ean man nga magbaylo it mga pwd officer sa kabaryuhan.
Mag-eowas kara, dikara eon man sigon nanda ginasueod ro pila ka mga programa it organisasyon kaparehas it information dissemination ag ro hugot nga pag-engganyo sa mga person’s with disability nga magguwa ag magpakilaea bangud nga may kinamatarong ro mga raya nga kilaeanon it sosyodad.
Ginpahayag dugang ni Samson nga inde dapat pag ikahuya ro kapansanan agud nga mataeopangdan it gobyerno bangud plano nandang iduso nga dapat mataw-an man it social pension ro may mga kapansanan ag bukon eamang it sa mga senior citizen ro pokus it gobyerno.
Pagkatapos suno kana it election sa barangay hay may igapatigayon nga federation election nga imaw ro magarepresentar sa limog it mga PWD’s.
