-- ADVERTISEMENT --

Gin-insister ni incoming National Security Adviser Clarita Carlos nga dapat pabay-an ro International Criminal Court (ICC) prosecutor’s office nga magpatigayon it  imbestigasyon may kaangtanan sa extrajudicial killings sa idaeom it   war on drug campaign it Duterte administration.

Madumduman ku nagtaliwan nga Setyembre 2021, nagpatigayon ro ICC it imbestigasyon sa request it dating prosecutor Fatou Bensouda para imbestigahan ro krimen sa war on drugs sa Pilipinas sa tunga it Nobyembre 1, 2011 ag Marso 16, 2019.

Apang makataliwan ro  daywang buean, sinuspendi it ICC ro imbestigasyon sa nasambit nga request it gobyerno bangud sa nagpatigayon it sariling imbestigasyon ro Department of Justice sa pilang mga kaso.

Samtang, dugang pa ni Carlos nga pagatutukan nana ro pagrespeto ag pagprotekta sa kinamatarong it sangka tawo sa oras nga makapungko raya sa pwesto.